GUGURITAN

WAWANGSALAN

1.    Disebutna sato lindeuk

     Kanyahoan kana pati (JAPATI)

2.   

           Raksukanna dina solat

Henteu nyekel moal kena (MUKENA)

3.        

      Ngagantung dina tangkal

Kalakuan anu ngalapa (KALAPA)

4.         

      Gelas gede pinuh cai

Warna loba eta balon (GALON)

5.      

      Wadah duit sok ditanggeuy

Aya ucing koneng kadempet (DOMPET)

6.     

           Ditakol ku panakol

Jadi jalma ulah sok nyombong (GOONG)

7.       

      Kadaharan anu di olah

Hayu tepung sangkan teu gandrung (GADUNG)

8.    

           Lauk nu aya kumisan

Na cai aya bancet kole (LELE)

9.      

      Liang gede tempat cai

Hayang dahar jeung jengkol di semur (SUMUR)

10. 

      Di teundeun na luhur hulu

Tumpak beus nepi ka kota (MAHKOTA)

 

PAPARIKAN

1.       Ka Palasari meuli majalah

Balikna meuli japati

Hirup ulah neangan masalah

Sangkan bisa tingtrim ati

2.      

       Ngajina make lagam bayati

Pak kiyai loba cumarita

Saban wengi masih nganti

Nungguan jalma nu dipicinta

3.       

      Di pasar loba jelma

Liburan ka pangandaran

Hade budi kasasama

Bakal dipiwelang ku pangeran

4.       

       Dangdut keur ngetop judulna Jayanti

Anu hajay Dimana mana

Hiji waktu nu dianti

Bisa cumarita jeung manehna

5.       

      Papatah kolot kudu dijungjung

Make mobil ladang nyewa

Hirupmah ulah nurustunjung

Bisi batur loba nu ngewa

6.     

           Loba lauk nilem jeung kancra

Dibalong caina saat

Hirup kudu loba pangabisa

Sangkan jadi jalma nu mangpaat

7.     

      Si Anjar boga mesin ketik

Matak loba pangabisa

Diajar nabung tileuleutik

Sangakan geus gede teu nalangsa

8.     

         Jadi jalma loba pamenta

Jung kaditu ka Majalengka

Ulah sok midua cinta

Bisi beunang kana cilaka

9.     

         Si Ambar meuli katuncar

Meulina ka Situgede

Hayu urang sumanget diajar

Mih teu kaduhung keur ngke gede

10. 

         Mang Omen keur murak nangka

Dipurakna jeung japati

Lamun embung asup naraka

Lakukeun parentah gusti

 

RARAKITAN

1.       Ulah teuing meuli ketan

Lamun matak kabeureuyan

Ulah teuing ngadeukeutan

Lamun niat ngaheureuyan

2.      

      Asa hayang kana ketan

Kabita pare nu anyar

Asa panas nempo mantan

Kabita mawa nu anyar

3.     

     Ulah poho maca buku kabayan

Kudu dibaca jeung si Kodir

Ulah hariwang ku kaayaan

Kudu narimakeun kana takdir

4.     

      Sanajan meuli sakodi

Mugia wae masing cumpon

Sanajan teu aya widi

Mugia wae sing cumpon

5.     

      Ulah poho meuli bubur lemu

Keur eusi beuteung wayah kiwari

Ulah poho nuntut elmu

Keur neangan jati diri

6.     

       Ulah poho nakol goong

Sok ah prung pagelaranna

Ulah sok rea ngabohong

Sok aya balukarna

7.     

      Sagala masing gaul

Manusa mah mahluk leleda

Sagala di pake agul

Manusa mah euweuh pangbeda

8.    

     Lamun keur murak Nangka

Lakukeun sing taliti

Lamun embung asup naraka

Lakukeun parentah gusti

9.       

      Diajar nulis na mesin tik

Sangkan boga pangabisa

Diajar nabung ti leuleutik

Sangkan geus gede teu nalangsa

10.  

     Kabeh jalma naek kapal

Kana kapal na Bu Suti

Kabeh jalma kudu apal

Kana kaendahan ciptaan gusti


Comments

Post a Comment

Popular posts from this blog

ADAPTASI NASKAH DRAMA JANGJI ASIH

 Adaptasi Naskah tina Novel Jangji Asih Pamaen • Asih • Rahmat • Warji • Ruslan • Neneng • Resmi • Pak Wira • Lasmini • Tresna • Edo • Hilman • Estu • Sakri • Pak Sastra • Panonton 1, 2, 3, 4 • Pak Odang BABAK 1 ADEGAN 1 Budak leutik nu jumlahna 5 urang keur seuri balakecrakan ulin diburuan imah, aya Asih, Neneng, Rahmat, Warji jeung Ruslan. Maranehna seuseurian ulin kaulinan budak jaman baheula. Rahmat: Urang ulin kekerajaan yu! Ruslan: Hayu ah bosen ulin ucing sumput wae mah Rahmat: Ayeuna urang bagi heula, urang jeung si Ruslan jadi prajuritna, Warji jadi Rajana, Neneng jadi ratuna, cik saha nu can kabagi Asih: Asih, ari asih jadi naonnya? Warji: Pan di Kerajaan teh so kaya pembantuna, tah Asih jadi eta wae nu susuguh ka ratu jeung raja Asih: Alim ah Asih mah hoyong jadi ratuna wae ke neneng jadi anakna Asih Rahmat: Ih ulah atuh piraku Asih jadi ratu, asih mah pantesna oge jadi pembantuna Neneng pan Neneng mah tuh katingali pantesna Asih: Alim, teu adil, Asih mah alim jadi pemba...
Read more

SAJAK

 LAPUR Ti kajauhan katembong sorot soca Sorot soca anu can tangtu bisa dipiboga Hate geus teu bisa di paler Rasa nu ku ciptaan gusti Rasa nu katarik jeung kataji Ngan hanjakal lapur Hate nu ngan bisa pasrah ka salira gusti Mugia sing cumpon ieu asih Asih abdi keur salira bebende hate Kuring sujud nyuuh NU ENDAH Alam anu endah ciptaan gusti Alam anu endah kagungan gusti Matak betah ku di tempo Teu cukup ku disebut Atawa ngan ukur dipikir Tapi kudu di rasakeun Dibarengan ku rasa Syukur Kabeh jalma kudu apal Kana kaendahan ciptaan gusti Nu moal aya lian JATI DIRI Ti leuleutik kudu loba mikanyaho Jaga gede teu kaduhung Kaduhung miskin ku elmu Kudu bisa neangan jati diri Pikeun bekel sarerea Modalna keur engke jaga SUMERAH JEUNG PASRAH Ulah sieun ku kaayaan Kudu narima kana takdirna Sumerah jeung pasrah Yakin yen Gusti teh aya Ulah hariwang ku janji Kudu bisa usaha tangtu pareng ieu diri PAPATAH Papatah kolot moal reh salah  Papatah ti kolot tanda kanyaag  Mangpaatna jaga didu...
Read more

BIOGRAFI DADAN SUTISNA

 Dadan Sutisna gumelar di Sumedang 22 Februari 1978, kuliah di jurusan matematika kusabab éta pelajaran nu ku anjeuna dipikaresep timimiti SD nepika SMA. Ayeuna anjeuna jadi sekretaris di Yayasan Budaya Rancage. Dadan Sutisna mangrupa salah sahiji pangarang sunda, jurnalistik ogé sastrawan anu dipikawanoh kusababaraha karyana lain dina widang kasundaan hungkul tapi aya ogé karyana dina widang basa Indonesia ogé dina bidang IT. Karyana dina widang sunda ogé Indonesia aya cerpén, drama, ésai, novel, dina widang IT na aya sababaraha karangan ngeunaan buku buku komputer. Karya karya ieu sababaraha kali meunang penghargaan sastra rancagé ogé penghargaan liana. Resep maca mangrupa hiji hal nu ngajadikeun anjeuna nepika bisa ngahasilkeun sababaraha buku. Tibubudak geus boga karesep kana maca, harita pas anjeuna masih sakola dina bangku SD, aya hiji perpustakaan nu jumlah bukuna hampir aya 1000 judul buku, anjeuna bisa namatkeun sakabehna buku salila sakola kelas 1 nepika kelas 6, alatan k...
Read more